Siglir tar il cuntegn

Header

audio
Illustraziun da Giovanni Giacometti per il cudesch «Parevlas Engiadinaisas»
laschar ir. Durada: 42 minutas 57 Secundas.
cuntegn

Gian Bundi – randulin e collectur da las «Parevlas Engiadinaisas»

«Tredeschin» e sias aventuras en Tirchia u «L'homin sulvedi» cun il chapè a piz han accumpagnà blers da nus tras noss uffanza e fascineschan er oz adina puspè in nov public.

Download

Las istorgias èn da chattar en il cudesch «Parevlas Engiadinaisas» da Gian Bundi – in cudesch da success, era grazia a las illustraziuns da Giovanni Giacometti.

Gian Bundi è il pli impurtant ed enconuschent collectur da paraulas da l'Engiadina. El las ha mess en scrit per rumantsch e tudestg avant bundant 120 onns. Questas paraulas vegnivan pli baud gugent raquintadas en Engiadina ed in spezial a Bever da la cusunza Nann'Engel. Grazia a Bundi enconuschain nus questas istorgias enfin oz – istorgias che tradeschan era bler da la vita e dal mintgadi en Engiadina en il 19avel tschientaner.

Ils 26 d'october pudess Gian Bundi (1872-1936) festivar ses 150avel anniversari. La Marella sa metta ensemen cun il romanist Peider Andri Parli e cun l'etnologa Ursula Brunold-Bigler als fastizs da Gian Bundi e sias paraulas.

Dapli da «Marella»

Scrollar a sanestra Scrollar a dretga