En il center da l'emissiun stattan dus cudeschs da duas auturas giuvnas che han deditgà la vita al scriver. Ils giasts dal Magliacudeschs èn questa giada Renata Cadalbert e l'autura Carin Caduff.
En «Furt e naven!» prenda Carin Caduff il lectur e la lectura sin divers viadis: viadis reals cun auto, tren e bastiment, ma er viadis fictivs enavos en l'uffanza. L'autura lumneziana tradescha en la Marella pertge ch'ella dorma meglier sin paginas plainas.
Il roman «Fräulein Bühler hat noch Fragen» tracta il destin da trais dunnas da trais generaziuns. L'autura Milena Caderas da Domat ha retschertgà fatgs istorics en connex cun ils Polacs ch'èn vegnids ils onns 40 en Svizra. Quest fund entretscha ella cun la vita da las trais protagonistas.
