Siglir tar il cuntegn

Header

audio
Jon Fadri Huder, Marlis Flepp ed Andri Netzer raquintan da lur midadas persunalas da quest onn.
RTR / MAD
laschar ir. Durada: 38 minutas 4 Secundas.
cuntegn

Midadas datti – mintg'onn!

Marlis Flepp, Jon Fadri Huder ed Andri Netzer – il 2021 ha purtà per els trais grondas midadas. Magari tschertgan ins las midadas, autras giadas vegnan ellas prest da sez. En la Marella da la fin da l'onn raquintain nus era questa giada da pliras persunas e da lur midadas durant l'onn passà.

Download

Marlis Flepp da Cumadé a Rabius ha decidì quest atun da visar sia plazza en il team directiv d'ina gronda firma. La finamira è da laschar temp a sasezza per sa decider co vinavant e schebain ella vul midar insatge en la vita professiunala. Perder ses bab e stuair accumpagnar la mamma en chasa d'attempads èn stadas autras, grevas midadas per ella.

Jon Fadri Huder ha bandunà l'Engiadina per surpigliar il presidi da Ebnat-Kappel en il chantun Son Gagl. Avant è el stà durant otg onns president communal a Samedan. Oz tira el ina buna bilantscha da questa midada pulit nunusitada. Il presidi en ina vischnanca nua ch'ins n'enconuschia sco emprim ina giada nagin, portia blers avantatgs.

Andri Netzer da Tarasp ha tschertgà las midadas il 2021. Cun far ina midada professiunala durant il lockdown èn tuttenina era autras midadas capitadas. La fin d'ina lunga relaziun, la midada da lieu e da professiun èn stadas in pau bleras midadas ed el ha gì da sbatter persunalmain durant il davos onn.

Dapli da «Marella»

Scrollar a sanestra Scrollar a dretga