Tuts dus èn fieu e flomma per las orglas, la regina dals instruments. Ella, che tuna sco in entir orchester, ma che sa era tunar dultsch e fin. Ozendi vegn ella dentant savens mez emblidada en ina baselgia vida e fraida. Ma per ils dus protagonists da la «Marella» stat lorgla en il center. Nus accumpagnain Arno Caluori durant ina revisiun da l'orgla da la chaplutta Sogn Gudegn a Vignogn e suandain Gian Andrea Caratsch ad Engelberg nua ch'el po sunar la pli gronda orgla da la Svizra.
La «Marella» maina l'auditura e l'auditur en l'intern da las orglas, lascha udir davos las fiffas ed en lintern da quai che fa che Arno Caluori e Gian Andrea Caratsch vivan ina vita per l'orgla.
Repetiziun dal november 2020. Durant la stad preschenta la «Marella» era quest onn inquala perla radiofonica ord noss archiv.
Tut per las orglas
«Sche jau pens vi dad orglas sun jau en in auter mund, e lura na riv jau betg pli da turnar», di Gian Andrea Caratsch. Il giuven da 13 onns less daventar organist e construider dad orglas. Ed il construider dad orglas pensiunà Arno Caluori è persvadì, che sias orglas tiran flad ed han in'olma.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter