-
Bild 1 von 15. Anna Maria e Clemens Pfister dal Chispàcius a Schlans. Bildquelle: Gaby Degonda.
-
Bild 2 von 15. Anna Maria e Clemens Pfister en la stiva dal «Chispàcius». Bildquelle: RTR, Gaby Degonda.
-
Bild 3 von 15. Inscripziun da l'ustaria da scua Chispàcius. Bildquelle: RTR, Gaby Degonda.
-
Bild 4 von 15. Chispàcius è avert da mesemna enfin dumengia. Bildquelle: MAD.
-
Bild 5 von 15. Ils geranis da Clemens Pfister fan parada. Bildquelle: MAD.
-
Bild 6 von 15. Turtas per il temp da primavaira. Bildquelle: RTR, Gaby Degonda.
-
Bild 7 von 15. Egls bov ina spaisa dultscha cun ovs. Bildquelle: MAD.
-
Bild 8 von 15. Bainvegni a maisa! Bildquelle: MAD.
-
Bild 9 von 15. I po far primavaira era puncto decoraziun. Bildquelle: RTR, Gaby Degonda.
-
Bild 10 von 15. In nov hobi per la patruna dal Chispàcius. Bildquelle: RTR, Gaby Degonda.
-
Bild 11 von 15. Igl invent da Clemens, in carussel per luar tschaira. Bildquelle: RTR, Gaby Degonda.
-
Bild 12 von 15. Plimas d'andas u giaglinas per decorar ils ovs. Bildquelle: RTR, Gaby Degonda.
-
Bild 13 von 15. Anna Maria Pfister ans declara il process da lavur. Bildquelle: RTR, Gaby Degonda.
-
Bild 14 von 15. Ovs decorads cun tschaira per. Bildquelle: RTR, Gaby Degonda.
-
Bild 15 von 15. Ovs decorads tenor tecnica sorba. Bildquelle: RTR, Gaby Degonda.
Che Anna Maria Pfister Casanova, anteriura bibliotecara e droghista daventia in di ustiera, haja ella mai siemià. Igl è prest 10 onns che ses um Clemens ha gì l’idea d'avrir ina pitschna ustaria da scua en lur curtin a Schlans. Damai che las ustarias a Schlans eran dapi intgins onns serradas ha Anna Maria prendì serius l’idea da ses um. Ditg e fatg! Trais emnas pli tard, atun 2011 han Anna Maria e Clemens avert lur curtin sco ustaria da scua.
Numnà han els lur lieu da sentupada «Chispàcius». Il num che sa cumpona dal lieu nua lur chasa sa chatta, «Chispà» e dal pled «delicius». Il «Chispàcius» sa chatta gist dasper la Senda Sursilvana ed è uschia in lieu ideal per sa fermar e sa recrear per viandants, velocipedists, ma era per vischins da Schlans ed auters vitgs.
Tar nus na sto nagin patir fom.
Il trend da viandar e da far turas cun velo da muntogna ha augmentà marcantamain il dumber da giasts dal «Chispàcius». Ils giasts ch'arrivan cun fom e said èn tar Anna Maria e Clemens en buns mauns.
Fai quai che ti sas, cun quai che ti has, nua che ti stas!
Sirups, turtas, pettas, spaisas chaudas sco maluns, capuns, bulzani èn delicatessas da basa per maldisar ils giasts da tuttas uras dal di. Products regiunals, frestgs e genuins èn la devisa tar ils Pfisters.
Dis da bell’aura essan nus bleras uras en cuschina.
Il pèr che viva gia 30 onns a Schlans ha repartì cleramain ils pensums da lavur. Anna Maria è la dunna da las pettas, ambient e service. Clemens tgira il departament cuschina chauda, flurs ed iert.
Causa la pandemia da corona è il «Chispàcius» restà serra ils davos mais. Anna Maria e Clemens han profità dal temp per experimentar e lavurar vid lur purschida. Uschia vulan els porscher ina u l’autra surpraisa innovativa a lur giasts.
En il mais da mars ans preschentan Anna Maria e Clemens Pfister lur filosofia e las spaisas che procuran per giasts cuntents en il «Chispàcius».