«L'onn passa è sta in onn da record»
Sco gronda famiglia è la racolta e la vendita da bulieus adina stada ina pitga d’entradas supplementaras per la famiglia Bass. «Nus tramettevan bulieus mellens cun il tren enfin a Losanna per tredesch francs per kilogram. Quai eran bels daners da quai temp». Era en il Volg da Sumvitg pudevan ins cumprar ils chantarels mellens da la famiglia Bass. Ils «Paulins» – sco els vegnivan numnads a Sumvitg, valevan sco experts da bulieus.
Ins numnava nus la firma da bulieus.
Oz tutga la tschertga da bulieus e murachels tar ils gronds hobis da Maria e ses fragliuns.
L’onn passà saja stà in onn da record. Maria Tuor sa regorda d’avair chattà cun sias soras e cun ses frar passa 160 murachels en in di. Ina vaira festa per tuts! A maisa vegn discurri fitg savens da bulieus, uss crescha dentant la fevra dad ir a murachels. En Nossa cuschina da l'avrigl accumpogna Gaby Degonda Maria Tuor sin pastgira e prà a la tschertga dals lieus secrets nua ch'ins po chattar murachels tranter la fin da mars e mez matg. Maria Tuor ans declera nua ch'ins po chattar las trais sorts da murachels giudibels.
Murachels la passiun da Maria
-
Bild 1 von 13. Emprim salid da la primavaira 2024. Maria Tuor ha quist onn chattà ils emprims murachels trais dis pli baud che l'onn passà. Bildquelle: Maria Tuor.
-
Bild 2 von 13. Bella emprima raccolta 2024. Maria Tuor ha cumenzà cun fortuna la stagiun da murachels grischs. Per Pasqua hai dà ina bella purziun. Bildquelle: Maria Tuor.
-
Bild 3 von 13. Ins sto guardar fitg bain per terra per chattar els. Maria Tuor ha in bun nas ed in bun egl per chattar murachels zuppads. Bildquelle: Maria Tuor.
-
Bild 4 von 13. Ils murachels en piz en la classa pli fina. Pli giuven che il murachel en piz è, e pli clera sia colur. Bildquelle: Maria Tuor.
-
Bild 5 von 13. Il murachel da spaisa ha aspect da spungia. Il temp dals murachels da spaisa cumenza l'avrigl. Bildquelle: Maria Tuor.
-
Bild 6 von 13. Murachels 2024 pronts per la setgentera. Maria dat gronda paisa sin murachels bain nettejads. Bildquelle: Maria Tuor.
-
Bild 7 von 13. In murachel en piz tranter il mistgel. Ils murachels pon crescher a l'ur dal guaud ma era sut plantas a mez il prà. Bildquelle: Maira Tuor.
-
Bild 8 von 13. Ina bella truvaglia da l'onn passà. Maria Tuor celebrescha ils murachels era cun regalar els ad enconuschents. Bildquelle: Mairia Tuor.
-
Bild 9 von 13. Buna racolta da murachels en piz. Murachels en piz lavads per schelar u setgentar. Bildquelle: Maria Tuor.
-
Bild 10 von 13. Maria Tuor e ses fargluns han gì fortuna. Forsa che quai ha propi insatge vair era oz: «In numnava nus la firma da bulieus». Bildquelle: Maria Tuor.
-
Bild 11 von 13. «Cura che jau poss ir a tschertgar murachels emblid'jau tut». LêEntschatta mars n'eran ils murachels anc betg denturn. Bildquelle: RTR.
-
Bild 12 von 13. Ina spunda cun potenzial da chattar murachels. Ins sto chaminar plaun e guardar bain nua ch'ins passa. Bildquelle: RTR.
-
Bild 13 von 13. Il murachel tissientà. «La nua che quest murachel tissientà crescha, na datti betg pli murachels», di Maria Tuor. Bildquelle: Maria Tuor.