-
Bild 1 von 19. La flur «Crocus sativus» . «Crocus sativus», la flur che porta en norma trais fils da safran. Bildquelle: Gaby Degonda.
-
Bild 2 von 19. Fluras prontas per la racolta. La racolta da safran è da fin october enfin mez november. Bildquelle: MAD.
-
Bild 3 von 19. Las tschagulas en furma da trocla sut terra. Aifer trais onns sa multiplitgeschan las taschagulas sut terra. Bildquelle: Gaby Degonda.
-
Bild 4 von 19. Ina tschavula da flur safran. Ina plantina po purtar enfin quatter fluras da safran. Bildquelle: Gaby Degonda.
-
Bild 5 von 19. Damain sulegl per la flur da safran. Ils fils da safran che restan en il sulegl, ristgan da daventar pli dirs e main aromatics. Bildquelle: Gaby Degonda.
-
Bild 6 von 19. Ils trais fils d'aur . Cun premura vegnan ils fils da safran tratgs or da la flur. Bildquelle: Gaby Degonda.
-
Bild 7 von 19. Lavur a maun . Strair ils fils da safran è lavur da dunna Claudia. Ella dumbra scadin fil per setgentar. Bildquelle: Gaby Degonda.
-
Bild 8 von 19. Fils d'aur tar buna racolta. Millis fils da safran pronts per setgentar avant che arcunar els en in lieu stgir. Bildquelle: MAD.
-
Bild 9 von 19. Claudia e Peider Michael Hodel . Quest onn è la raccolta da safran en retard. Lunas da la natira. Bildquelle: Gaby Degonda.
-
Bild 10 von 19. Safran conservà en vaider. Per mantegnair la qualitad e la colur dal safran sto ins conservar el en in lieu stgir e sitg. Bildquelle: Gaby Degonda.
-
Bild 11 von 19. Product final per la cuschina. 250 mg safran, vegn conservà en ina stgatletta d'alumini per la vendita. Bildquelle: Gaby Degonda.
-
Bild 12 von 19. Safran da la Val Schons . Product final è pront per la vendita. Il safran da Donat porta il sigil «parc natiral Beverin». Bildquelle: Gaby Degonda.
-
Bild 13 von 19. Terrassa da Donat. Il bain puril da la famiglia Michael schai sin la bella terrassa sut il vitg da Donat. Bildquelle: Gaby Degonda.
-
Bild 14 von 19. Té da safran. Tè da safran cun mel d'avieuls. Il tè da la ventira. Bildquelle: Gaby Degonda.
-
Bild 15 von 19. Safran en il murter. Per che il safran po colurar il risott, ston ins smatgar ils fils en il murter. Bildquelle: Gaby Degonda.
-
Bild 16 von 19. Situaziun 28 d'october 2021. Dis da bellazza cun notgs frestgas è temp ideal per il safran. Bildquelle: Gaby Degonda.
-
Bild 17 von 19. Situaziun 1. da november 2021. Ina fina cozza da naiv cuvra igl er da safran. Quai na fa nagin donn. Bildquelle: MAD.
-
Bild 18 von 19. Inschignus e speditiv. Peider ed il fegl Mathias han creà char annex per simplifitgar la plontaziun da tschagulas. Bildquelle: MAD.
-
Bild 19 von 19. Plontar tschagulas. Cun l'invenziun para il semnar las tschagulas in tec pli simpel. Bildquelle: MAD.
In vegl proverbi di che baiver té da safran fetschia ventiraivel. Quai è vair! RTR n'ha betg sulettamain pudì baiver da quest té delizius, ma era pudì prender invista en la cultivaziun e la racolta da l'«aur cotschen» sin il bain puril da Claudia e Peider Michael a Donat. Igl è bain uschia che il safran ha ses origin en pajais dal Caschmir, Iran, Irac enfin tar la Spagna. Ma dapi 2014 ha il safran er chattà bun terren en Val Schons.
L’atun 2014 han Claudia e Peider Michael pudì far lur emprima racolta da safran, quai gist avant lur isch-chasa sin in er da 400 meters quadrats. Buns onns da racolta han ils Michaels dumbrà enfin 22'400 flurs. Quai èn passa 67 '000 fils da safran.
Igl è stà amur sin emprima vista. Tant la flur sco era la cultivaziun ans ha fascinà.
Durant il mais da november ans raschunan Claudia e Peider Michael da la cultivaziun, blera lavur a maun ma era co els han piglià fieu per questa flur fragila cun ils fils d’aur.
Pudair tegnair enta maun ils fils d'aur da questa bella flur violetta è la paja per tut las stentas.
Claudia e Peider Michael èn geniturs da trais uffants, Nicole 22, Patrick 19 e Mathias 16 onns. Sco i para è il safran ina producziun da famiglia, pertge tuts sa sentan responsabels per il success da la racolta.
Mia dunna è l'olma da la producziun da safran.
Tips e recepts co trair a niz l’aroma e la colur dals fils dorads che protan il sigil dal «Parc natiral Beverin», adina la mesemna en Radio RTR suenter las 10:15.