«Nossa cuschina» - La bar naturala da Ursula Venzin

Cun 50 onns han Ursula Venzin cumenzà la scolaziun da spezialista da sanadad, lura prolungà la scolaziun e daventada tgirunza per pazients da lunga durada. Ursula Venzin lavura en ina chasa d’attempads a Domat ed ha uschia chattà ina professiun che dat gronda satisfacziun. Avant che sa chasar a Domat han Ursula Venzin e ses um Mirsat vivì blers onns en Val Medel ed ad Acletta/Mustér cun lur dus figls. Avant insaquants onns èn els sa chasads a Domat. Sper sia lavur è ella fascinada da la forza da la natira, uschia elavurescha ella tincturas, balsams, cremas ed auters products per pitschens e gronds mals.

Jau ma definesch sco strietta da ervas.

1 / 10

Legenda: La tschaira d'avieuls ed il paintg da «Shea» ston daventar fluids. Gaby Degonda

2 / 10

Legenda: In balsam sin basa da tschaira d'avieuls e paintg da «Shea». Gaby Degonda

3 / 10

Legenda: Ielis da ervas raccoltadas durant la stad. Gaby Degonda

4 / 10

Legenda: Tut pront per far ina mascheida, in balsam per ils pais. Gaby Degonda

5 / 10

Legenda: Paintg e tschaira en luads per pudair cumplettar il recept. Gaby Degonda

6 / 10

Legenda: Tut ha ses plaz en la bar naturala da Ursula Venzin. Gaby Degonda

7 / 10

Legenda: Chazzetta d'irom per hydrolatar ervas Gaby Degonda

8 / 10

Legenda: Products empustads per regalar. Gaby Degonda

9 / 10

Legenda: Ursula durant il producir in balsam per la tgira dals pais. Gaby Degonda

10 / 10

Legenda: Ursula Venzin avant ses vast sortiment dad ielis, tincturas, recepts e cudeschs. Gaby Degonda

L’interess per la medischina alternativa è naschida avant insaquants onns cura che ses um Mirsat pativa da mal da schanuglia. Il pudair laschar davent medicaments per il mal grazia a ses balsam cun essenzas natiralas, ha persvadi la dunna cun ragischs medelinas.

Jau na sun betg ina dunna da fatschenta, jau hai plaschair sche mes products pon gidar.

En il mais da schaner baratta RTR las chazzettas en cuschina cun ils vaidarets da reagenza dal pitschen labor da dunna Ursula Venzin. Sper il balsam per mal giugadiras ans declera ella, tge products ch'ella fa sin basa da vodka u era sin basa da ieli Son Gion u era cun tschaira d’avieuls.