Siglir tar il cuntegn

Header

cuntegn

Nossa cuschina Natalia Trombetta – Mamma, figlia e strietta d'ervas

Da giuvna na cuschinava Natalia Trombetta betg bler. Uschia ha ella emprendì da cuschinar da la sira. Perquai datti tar ils Trombettas savens tratgs tradiziunals engiadinais tenor ils recepts da la sira. Quai è il pli simpel per Natalia Trombetta, perquai che tut la familia ha gugent quai.

Ils tratgs engiadinais ha Natalia Trombetta emprendì da sia sira. Sper quels datti er adina puspè charn da selvaschina sin maisa a Samedan. Bab ed um èn chatschaders ed emplainan onn per onn la glatschera cun charn. Quai è er l'unica charn ch'ils Trombettas mangian. Co ch'ins ha da cuschinar ina muntanella, ha l'engiadinaisa emprendì da ses bab. Cun il temp ha Natalia Trombetta però chattà atgnas manieras, co far muntanella. Pli simpel e pli svelt manegia ella.

In zic da quest, in zic da l'auter, e lura gusta quai schont.
Autur: Natalia Trombetta

Ils canedels da chaschiel èn in tratg che vegn gugent mangià da l'entira famiglia. Era quai ha Natalia Trombetta emprendì da sia sira. Tuttina vegn il cudesch da cuschinar anc avert per l'ina u l'autra controlla. Per gronda part vegn però cuschinà tenor sentiment.

In'autra gronda passiun da l'Engiadinaisa èn las ervas. Per gidar la figlia che ha gia da pitschna stuì prender medicaments ferms, è Natalia Trombetta s'occupada cun la forza dad ervas natiralas. Ussa – suenter massa onns – ha ella ina gronda savida. Ella fa sezza tincturas, guttins u era cremas cunter tut differents mals. Tincturas per la pel dal chau u era guttins encunter arsira dal magun sa chattan en la stiva a Samedan. Las ervas chatta Natalia en l'iert a chasa u era sin ils prads en l'Engiadina.

Ielis e tincturas dad ervas
Legenda: Ielis e tincturas dad ervas. Foto: Natalia Trombetta

RTR nossa cuschina, 10:15

Artitgels legids il pli savens

Scrollar a sanestra Scrollar a dretga