Per daventar magistra ha ella fatg tschintg onns il seminari per magistra d'economia da chasa e lavur a maun. Dapi 33 onns è Karin Näf ussa gia magistra da cuschinar a Samedan.
Ch'jau vi daventar magistra da cuschinar, hai jau gia savì sco matta.
Era sche la professiun sco magistra da cuschinar è sa midada durant ils onns, tscherniss Karin Näf adina puspè questa professiun. Ina gronda midada che ha er fatg daventar pli grev la planisaziun èn ils stils da vita: Adina daplirs scolaras e scolars vivan vegan, vegetaric u han er diversas allergias alimentaras. Quai è ina sfida – fa però era daventar interessanta la lavur.
Sper la savida da cuschinar datti anc bler dapli che la magistra da Samedan vul dar vinavant a scolaras e scolars. Il cumportament social ma era il cumportament cun mangiativas e raps sajan precis uschè impurtants da dar vinavant e betg mo il savair cuschinar buns menus.
Recepts da Karin Näf
RTR preschenta mintga mesemna in’autra tratga per cuschinar suenter.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.