Ieli da basilic
Per il ieli da basilic dovrins ina massa basilic. Suenter ch'ins ha mess el en l'aua chauda per 15 secundas ed ha sfradentà el en aua fitg fraida, èsi da struclar ora el uschè bain sco pussaivel. Emprim cun ils mauns e lura cun palpiri da cuschina. Silsuenter pon ins metter il basilic en il mixer cun ieli da flur-sulegl. A la fin anc maschadar tut cun ieli d'olivas e laschar trair per 1-2 dis. Sco davos pass opziunal pon ins laschar ir il ieli tras in culin u direct derscher en las buttiglias. Impurtant: Betg metter en il mixer ieli d'olivas. Uschiglio daventa tut amar.
-
Bild 1 von 5. Quest ieli n’è betg mo insatge per l’egl, na, el gusta er buntad. Bildquelle: RTR.
-
Bild 2 von 5. Ina erva mirvegliusa, il basilic. Tscherts dian ch'el è ina diva, nus schain ch'el è be malchapì. Bildquelle: RTR.
-
Bild 3 von 5. Qua fa il basilic bogn. #BognDaGlatsch. Bildquelle: RTR.
-
Bild 4 von 5. Natalia ha chapì co ins tracta endretg il basilic. Suenter il refrestg en il bogn vegn la erva natiralmain tractada cun in bun ieli d'oliva. Bildquelle: RTR.
-
Bild 5 von 5. Questa colur: ina festa. Bildquelle: RTR.
Aschieu da coclas da guaud
Per il aschieu da coclas da guaud dovrins in aschieu cler. Il meglier da quel da vin alv. Per las coclas da guaud pon ins senz'auter prender coclas scheladas. Quellas han simplamain d'esser sdreglientadas. Tut quai ch'ins ha da far, è da metter las coclas en l'aschieu e laschar trair per in'emna en il stgir. Suenter filtrar ed emplenir en ina buttiglia da vaider.
Tip: Gusta fitg bun cun in zic ieli e sal sco sosa da salata. L'aschieu gusta era buntad sch’ins derscha el en la chazzetta chauda sur la charn brassada.
-
Bild 1 von 3. La rolla principala: izuns ed ampaunas. Bildquelle: RTR.
-
Bild 2 von 3. La rolla principala na fiss nagut senza ses statist: il aschieu da vin alv. Bildquelle: RTR.
-
Bild 3 von 3. Betg scumbigliar: quai è per la salata, betg per in glas sirup, sco la colur lascha sminar. Bildquelle: RTR.
Sal da balsamico
In sal da balsamico è ina buna alternativa pli speziala per ina salata caprese. Tuttina pon ins era duvrar el per salar charn u autra verdura. Per far il sal, ins dovra crema da balsamico e betg aschieu da balsamico. Suenter ch'ins ha maschadà il sal da mar cun la crema da balsamico, va il sal sin ina lastra en il furn sin 70 grads per minimum in'ura. Cura che tut la massa e sitga è il sal pront.
Tip: Perfect per in steak da bov e per salata caprese
-
Bild 1 von 7. Pauc gusta uschè da stad sco ina salata Caprese. Bildquelle: RTR.
-
Bild 2 von 7. Far il perfect sal per questa salata è fitg simpel. Bildquelle: RTR.
-
Bild 3 von 7. Ins dovra mo sal e crema da balsamico. Bildquelle: RTR.
-
Bild 4 von 7. Propi simpel. Bildquelle: RTR.
-
Bild 5 von 7. Cura ch'ins ha maschadà quai, metter sin ina lastra cun palpiri da furnel. Lura èsi er gia temp per il furn. Bildquelle: RTR.
-
Bild 6 von 7. Natalia e Fadrina han manegià bain cun la temperatura ed il balsamico ha caramelisà il sal. I veseva plitost or sco granola a la fin. Uschia avain nus anc curt laschà ir en il mixer il sal. (La dretga temperatura è adattada en il recept). Bildquelle: RTR.
-
Bild 7 von 7. Pront per regalar. Bildquelle: RTR.
Chutney da tomatas
Per il chutney da tomatas ins dovra principal pazienza. Las preparaziuns èn simplas. Spaletschar e tagliar tomatas e maila. Lura metter tut las ingredienzas en la padella e laschar coi tut per passa in'ura. Suenter emplenir anc chaud en vaiders da confitura ch'ins ha oravant mess en il furn per stgaudar els. Serrar els bain e metter els en la frestgera.
-
Bild 1 von 6. Il pli bel vid far regalins è natiralmain il regalar … . Bildquelle: RTR.
-
Bild 2 von 6. … il spass cumenza dentant gia en cuschina. Bildquelle: RTR.
-
Bild 3 von 6. Nus avain tractà las tomatas sco quai ch'ellas èn atgnamain – sco in fritg. Bildquelle: RTR.
-
Bild 4 von 6. Uschia datti uss empè da in sugo salà, in chutney dultschin. Bildquelle: RTR.
-
Bild 5 von 6. Quest chutney va a prà perfect cun ricotta e mozzarella. Qua è el sin pizza cun ruccola, ricotta, tomatinas pitschnas e panzzetta. Bildquelle: RTR.
-
Bild 6 von 6. Pront per regalar: il chuntey dals cors. Bildquelle: RTR.
Mintga mesemna en il zercladur datti da gudagnar in pachet cun tut ils quatter products live al radio RTR las 10.15.