Nossa cuschina - «Sco pura sun jau libra en mes mintgadi»

1 / 8

Legenda: Brida Haefele-Berther è la responsabla per il marketing sin il bain da pliras generaziuns. RTR, Marionna Lombriser

2 / 8

Legenda: La chasina cun frestgera per la vendita directa avant la chasa da purs. RTR, Marionna Lombriser

3 / 8

Legenda: Il bain Schönenhofen è fitg divers cun vatgas lactantas, biffels d'aua, producziun da spelta pura e gronda pumicultura RTR, Marionna Lombriser

4 / 8

Legenda: La famiglia Haefele-Berther ha passa 400 plantas da fritgs. RTR, Marionna Lombriser

5 / 8

Legenda: Tschareschas, maila bella, maila per suc, primblas, cudogns u nuschs datti da Schönenhofen. RTR, Marionna Lombriser

6 / 8

Legenda: Ils biffels d'aua èn domestics e plain mirveglias. RTR, Marionna Lombriser

7 / 8

Legenda: La farina da spelta pura per la vendita directa RTR, Marionna Lombriser

8 / 8

Legenda: La paira tosta è in snack sanadaivel. RTR, Marionna Lombriser

Creschida si è Brida Haefele-Berther en il manaschi puril da ses geniturs a Rabius. Ella ha fatg l’emprendissadi da cusunza da decoraziun interna ed era la scola da puras. Dapi trais onns e mez lavura ella ensemen cun ses um Christian, la sira ed il sir sin il bain da famiglia. La pitschna figlia dad in onn e mez è savens en uigl ed ha gugent tractors.

Da noss bain avain nus vista sin il Lai da Constanza ed il Säntis.

Sin il bain da la famiglia datti vatgas lactantas, vadels e biffels d’aua per la tratga da charn. Plinavant cultiveschan els spelta pura (Urdinkel) e passa 400 pumers. Els racoltan maila, primblas, tschareschas, cudogns u nuschs. Brida Haefele-Berther è la responsabla per il marketing e cun la vendita directa porscha ella er paira tosta, ieli da nuschs u aschieu.

Il pli gugent cuschin jau cun noss agens products.

Cun ses recepts presenta la pura da 31 onns tschintg propostas per las tschaveras dad in di.

1 / 6

Legenda: L’ensolver da Brida dat forza MAD

2 / 6

Legenda: In stortin ord farina da spelta pura per la pausa da café MAD

3 / 6

Legenda: La salata da Brida cun charn buglida da biffel d'aua. MAD

4 / 6

Legenda: Primblas e nuschs, dus products dal bain a Wittenbach. MAD

5 / 6

Legenda: Petta flambada cun las primblas da Brida. MAD

6 / 6

Legenda: Brida fa peschs maghers da Schönenhofen. MAD

Per l’ensolver che dat forza fin ad ina tschaina cun ina spaisa tipic sursilvana en sia versiun da Schönenhofen dovra Brida Haefele-Berther products dal bain a Wittenbach.