Las ureglias fan egls? Igl è Pasca!
Suenter in lung enviern èsi uras da laschar entrar la primavaira fin tar il davos chantunet da nossas quatter paraids ed er en noss cors. RTR procura per colur ed odur da primavaira per vossas ureglias.
Durant l’emna sontga ans reflecteschan differents protagonists lur cunfar da primavaira e tge influenza che Pasca ha en lur vita professiunala e privata.
Theolinda Wolf
Nus ans laschain inspirar da la fantasia da la flurista Theolinda Wolf per zambregiar a moda simpla in gnieu da Pasca ed ella ans cusseglia davart flurs da primavaira.
Carli Tuor
Nus visitain las 4'000 giaglinas giuvnas da Carli Tuor, quellas ch'èn tenor lur elevatur da bio, giaglinas cuntentas. Co quai sa mussa e schebain la vulp ha er gia visità ellas, ans tradescha el en la seria da Pasca.
-
audioCarli Tuor es sias passa 4'000 giaglinas02:51 min, RTR Audio dals 01.04.2021.laschar ir. Durada: 02:51 minutas. -
audioLa vita da las giaglinas a Rabius03:00 min, RTR Audio dals 01.04.2021.laschar ir. Durada: 03:00 minutas.
Anna Maria Pfister
Pasca senza ovs? Na! Quai na fiss betg pussaivel! Anna Maria Pfister da Schlans ans tradescha sia nova passiun: Decorar ovs tenor tradiziun dals Sorbs. Ovs d’art cun tschaira.
-
audio«Ovs sorbs» – e tge ch'i dovra per far els02:04 min, RTR Audio dals 02.04.2021.laschar ir. Durada: 02:04 minutas. -
audio«Ovs sorbs» – la muntada dals simbols ed ils uaffens02:15 min, RTR Audio dals 02.04.2021.laschar ir. Durada: 02:15 minutas.
Rafael Schlosser e Fabio Maissen
-
audioPesch: ina spaisa classica per il Venderdi sontg01:48 min, RTR Audio dals 30.03.2021.laschar ir. Durada: 01:48 minutas. -
audioLa litgiva: il pesch preferì da Rafael Schlosser – e co cuschinar ella02:31 min, RTR Audio dals 30.03.2021.laschar ir. Durada: 02:31 minutas. -
audioChalun d’agnè – e co ch’el gartegia02:30 min, RTR Audio dals 31.03.2021.laschar ir. Durada: 02:30 minutas.
En cuschina giain nus cun Rafael Schlosser e cun Fabio Maissen. Sco cuschinier e mazler ans tradescha Rafael Schlosser in delizius recept per cuschinar a moda simpla la litgiva per venderdi sontg. Il mazler Fabio Maissen ch'è naschì il di da Pasca, ans tradescha ses recept persunal per laschar gartegiar il chalun d’agnè cun garanzia.
