Jau sun adina stada spir energia, forsa er entras il sport chha accumpagnà mai durant lentira vita. Sa mover, il pli gugent giuadora en la natira, ina passiun che jau hai anc oz. Durant trais stads hai jau astgà manar la chamona da Biferten sut il Muot da Rubi. Durant quel temp hai jau er pudì cumbinar il cuschinar cun il sport, perquai che jau sun currida bleras giadas si e giu.
Cun 50 hai jau fatg in tagl. Jau hai surpiglià lustaria Bündner Rigi en il territori da skis da Sursaissa ed hai uschia ademplì in siemi a mamezza. Igl ha duvrà in tschert curaschi, ma jau hai adina cuschinà gugent ed er adina prezià il contact cun la glieud. Quel temp intensiv ha purtà fitg bellas e bleras amicizias.
Anc oz cuschin jau gugent, sche pussibel adina cun products indigens e cun in bun ieli dulivas che jau hai racoltà mezza en lItalia, in pajais che jau visitescha sche pussibel pliras giadas ad onn.
