Avant quatter onns ha Anna Laura Klucker fundà ses agen label da moda da vestgids da nozzas cun il num «Yuli». Ses atelier sa chatta en la chasa paterna a Tumein. Sper questa lavur fa ella er graficas e lavura sco secretaria da la «Stimmwerkbande», in chor d'uffants e giuvenils da Cuira e conturn.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
In passatemp impurtant per ella è il chant. Dapi blers onns chanta Anna Laura Klucker en l'ensemble «Incantanti» che ha gist gudagnà plirs premis a chaschun d'ina concurrenza da chant en l'Italia.
En il Profil raquinta ella dal temp da preparaziun per questa concurrenza, e cumpareglia il chant sin quest livel cun il sport d'elita.
