Creschida si è Anna Mengiardi ad Ardez en Engiadina Bassa. Uss viva e lavura ella ad Ins, in vitg tranter Berna e Neuchatêl. «In pau sco ina randulina sa senta jau schon», di Anna Mengiardi. Ma ad Ins ha ella chattà in'insla per sai. Ella viva en in vitg en il vitg. En 20 chasas d'ina fundaziun vivan artists ed artistas, pedagogas ed artisans che han furmà ina cuminanza libra, mintgin e mintgina cun ses project. Anna Mengiardi ha avert ina scola alternativa, inspirada da la filosofia da Rudolf Steiner e lavura là cun corp ed olma sco mussadra. Ad Ins ha però il teater manà ella, vul dir ses temp sco actura en la cumpagnia Stradini cun quala ella è stada trais stads sin viadi sco nomada artistica. Nus giain en quest Profil a spass cun Anna Mengiardi tras «si'insla» ad Ins e tras differentas staziuns biograficas.
Anna Mengiardi: «Jau vez dapertut magïa»
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter