Siglir tar il cuntegn

Header

laschar ir audio
cuntegn

Jau enconusch l’America da l’autra vart da l'American Dream

Ella è creschida si en in pitschen vitg en l'Engiadina, «cun tut las libertads», ma ella vuleva adina savair tge ch'è da tschella vart dal flum (Valember). Ir tras la vita sco ina scolara, quai è in dals princips da Lara Glisenti.

Download

En scola sez però, era tut memia stretg e stinà per ella. «Jau hai fatg il vadè», uschè ferm, fin ch'ella è vegnida bittada or da la scola, or dal sistem. «Quai è er ina sort scola», guarda ella enavos oz sin quels dis muventads.

Dapi sis onns viva ella a New York. Là ha Lara Glisenti frequentà la scola d'acturas la pli enconuschenta dal mund «The Lee Strasberg Conservatory». Ma er en il mund da teater n'è ella betg pronta da far cumpromiss, «jau na fatsch betg reclama per in product che na ma persvada betg». Tge cha quai vul dir per sia carriera sco actura e pertge che sia statura è adina puspè in tema, udis en quest Profil.

A New York ha ella chattà sia grond'amur e ses nov dachasa ad East Harlem. Là è ella la princessa dal bloc e cun ses um afroamerican è ella sfundrada en l'autra America, en la Black culture cun sia bellezza, musica, istorgia, e las difficultads en il mintgadi. «La colonisaziun cuntinuescha fin il di dad oz, e quai fa mal.»

Dapli da «Profil»avrir la landingpage

Scrollar a sanestra Scrollar a dretga