Siglir tar il cuntegn

Header

audio
Nuot Saratz è anc oz in advocat passiunà
RTR, Anna Caprez
laschar ir. Durada: 57 minutas 6 Secundas.
cuntegn

Nuot Saratz: Jau serv gugent als umans

L'avaina sociala saja pli probabel en famiglia, di l'advocat puntraschignot, che deriva d'ina classica famiglia d'hoteliers.

Download

Creschì si è Nuot Saratz en la famiglia d'hotelier cun l'hotel Saratz a Puntraschigna. Ses temp ha el dentant passentà pli gugent tar ils vischins che faschevan da purs. L'hotel da quatter stailas ch'era durant decennis en possess da sia gronda famiglia è entant vendì.

Via professiunala intscherta

Ch'el daventass ina giada advocat, na saja ditg betg stada ina professiun da siemi sin ses plan da vita. Oz ama il puntraschignot dentant sia lavur.

«Il studi da giurisprudenza è in lungurus nua ch'ins emprenda pir l'alfabet da la professiun.»

Cun cumenzar a cussegliar clients a Puntraschigna haja el scuvrì il plaschair vi da sia professiun ed haja fundà ses agen biro d'advocatura. Er cun 75 onns lavura el anc adina cun in pensum da var 90%. Tar quel tutgia dentant er il leger la gasetta. Sut squitsch n'haja el mai sa laschà metter, di il bab da trais uffants creschids.

«Jau sun ina mustga dal di che ha la fortuna da viver blers dis.»

Cun quai che sia figlia Nora Saratz è dapi il 2021 presidenta communala da Puntraschigna, haja el gì da prender enavos plirs mandats giuridics. Quint fetschia el dentant da reducir il proxim temp successivamain la lavur per giudair dapli il temp liber. Quai faschond sport, cun ir a chatscha e cun passentar temp custaivel cun ils trais biadis.

Dapli da «Profil»

Scrollar a sanestra Scrollar a dretga