L'onn 1958 han Sofia e Martin Vinzens da Luven maridà – els vulevan abitar ensemen, e da lezzas uras vuleva quai dir ch'els stoppian maridar. Martin Vinzens ha manà ina gronda fatschenta dad installaziuns ed apparats electrics. Sofia Vinzens ha manà la stizun dal vitg e pli tard er ina chasa per champs da vacanzas.
60 onns vivan els gia ensemen. Ch'els han durant quels onns er mintgin gì lur agens projects è be in dals recepts da lur lètg. Er a chasa laschan els in a l'auter il spazi ch'i dovra: «Nus avain duas televisiuns, perquai ch'i fiss donn da far dispita pervi dad ina tala piculezza.»
