Grazia a la Marella hai jau il privilegi d’avair invistas en autras vitas e munds per part cumplettamain novs. Pudair ma fatschentar cun questas istorgias, experientschas e fatgs e lura suenter preschentar e raquintar da quests inscunters, quai è mitga giada in’aventura.
La «Marella» viva da tuns e suns e vul uschia evocar quest «kino per las ureglias». Ella porscha reportaschas ed istorgias, dat in cuc davos las culissas, explitgescha e metta en context tut quai che ans commova ed interessa. L’emissiun sa fatschenta cun temas ch’èn relevants per la societad sco era per il singul, cun fenomens novs e nunenconuschents sco era cun istorgias a prima vista enconuschentas.
Redacziun: Astrid Alexandre, Esther Berther, Anna Caprez, Esther Krättli, David Spinnler
Musica: Redacziun «Marella»
Moderaziun: Redacziun «Marella»
Manaders: Guadench Dazzi, David Truttmann