Durant il gieus olimpics dals 6 fin ils 22 da favrer na tschertgain nus betg chaussas, mabain ramurs. Las ramurs sa refereschan sin ina disciplina olimpica.
🧩 Co funcziuna il gieu?
maximalmain trais participantas u participants per di pon empruvar d’engiavinar
l’import ch'è da gudagnar l’emprim di da l'ediziun speziala è CHF 50.–
sche nagin na chatta la resposta correcta, van 10 francs per di en il jackpot
sch'i na dat suenter quatter dis da gieu betg anc la schliaziun, vegn la ramur publitgada sin rtr.ch curt suenter la quarta runda
sche nagin na chatta la schliaziun suenter la 7avla runda, alura cuntinuescha la concurrenza cun ina nova ramur e la schliaziun da l'emprima ramur vegn tradida al radio.
sche las trais ramurs vegnan engiavinadas avant ils 22 da favrer, alura cumenza il normal gieu da «Tge chaussas» gia pli baud.
📞 Co sa participar?
Telefonai en il studio da Radio RTR: 0800 20 25 30
🕘 Glindesdi fin venderdi, mintgamai a las 09:45
🕙 Sonda e dumengia, mintgamai a las 10:15
Cundiziuns da participaziun
Avrir la boxSerrar la box
La participaziun al gieu è averta per tut las persunas. Betg participar pon las collavuraturas ed ils collavuraturs (e lur confamigliars) da la SRG SSR, sias societads affiliadas sco era partenaris e/u incumbensaders ch'èn eventualmain involvids. En cas da dumondas d’interpretaziun decida RTR definitivamain.
Tgi che gudogna ina runda dal gieu spezial na po betg pli sa participar a quel.
Davart la concurrenza/il gieu na vegn betg manada ina correspundenza.
Premis/gudogns: in pajament en daner contant n'è betg pussaivel.
La via giuridica è exclusa.
Il num ed il lieu da domicil dal victur u da la victura pon vegnir publitgads sin l’emettur e/u sin la pagina d’internet da RTR (inclusiv agens chanals da social media). Cun participar vala participanta/ il participant d’accord che las datas communitgadas da sia vart vegnan duvradas per trametter ils premis.
Nossa decleraziun davart la protecziun da datas chattais Vus sin www.rtr.ch/dretgs.
