Chant e musica èn materia viva. E gist per nus Rumantschas e Rumantschs muntan chant e musica identitad. Promover, tgirar e collectar quella materia è in dals pensums da RTR. Dapi 35 onns fa RTR quai en atgna reschia. Bain in motiv da guardar enavos? Quest' emna faschain nus quai cun emetter mintga saira suenter las novitads da las 20:00 in concert che stat en connex cun nossa producziun da musica. Oz L'INSTRUMENTALA.
Il settember 1995 ha gì lieu a Berna ils dis da la musica militara. Trais furmaziun da l'Armada svizra èn sa preschentadas: l'orchester da represchentaziun, l'orchester instrumental (sinfonic) e la big-band. Nus avain registrà ils concerts ed emess quels en Artgs musicals. Oz tadlain nus il concert da da l'orchester instrumental cun ses dirigent chapitani Josef Gnos ils 22 da settember 1995 en il Kursaal. Sin il program ovras da John Philip Sousa, Edvard Grieg, Nikolaj Rimskij-Korsakow, Albert Benz e James Barnes.
