· La vischnanca d'Alvra ha survegnì 40 dumondas da translocar ed uschia bandunar il vitg da Brinzauls per adina. Per gronda part pertutgan questas dumondas abitaziuns secundaras u da vacanzas. Ma la vischnanca quinta er che radund 35 abitantas ed abitants bandunian il vitg. Avant l'evacuaziun il november passà aveva Brinzauls 90 abitants ed abitantas. Dapi lura han gia 30 persunas bandunà defintivamain il vitg u èn mortas.
· Chatschaders e chatschadras han fatg buna preda. Tar ils tschiervs (passa 3'400 animals sajettads) e tar ils chavreuls (2'500 animnals sajettads) èn las cifras sur la media dals ultims 20 onns. Tar ils chamutschs cun passa 2'800 animals sajettads, levamain sut quella media. I dovra er quest onn la chatscha speziala per cuntantscher las finamiras da regulaziun.
· Er la chatscha da lufs cuntinuescha: Il chantun ha ordinà da sajettar in luf singul tranter Flem e Trin. Quai suenter ch'in luf avevà stgarpà in vadè. Er ha l'Uffizi federal per ambient dà la lubientscha da sajettar dus terzs dals lufs pitschens dal nov triep da Clemgia en l'Engiadina Bassa.
· La vischnanca da Breil po defintivamain realisar la via da colliaziun cun Vuorz. Il Tribunal federal a Losanna ha refrusà il recurs che persunas privatas avevan fatg cunter la decisiun da la Dretgira administrativa dal Grischun l'atun passà.
· Il Grischun Peter Barandun è vegnì elegì sco nov president da Swiss Ski. Fin uss era el vice- e sco ultim co-president ensemen cun Urs Lehmann. Lez banduna Swiss Ski per daventar CEO da la Federaziun internaziunala da skis, FIS.
· Chatschaders e chatschadras han fatg buna preda. Tar ils tschiervs (passa 3'400 animals sajettads) e tar ils chavreuls (2'500 animnals sajettads) èn las cifras sur la media dals ultims 20 onns. Tar ils chamutschs cun passa 2'800 animals sajettads, levamain sut quella media. I dovra er quest onn la chatscha speziala per cuntantscher las finamiras da regulaziun.
· Er la chatscha da lufs cuntinuescha: Il chantun ha ordinà da sajettar in luf singul tranter Flem e Trin. Quai suenter ch'in luf avevà stgarpà in vadè. Er ha l'Uffizi federal per ambient dà la lubientscha da sajettar dus terzs dals lufs pitschens dal nov triep da Clemgia en l'Engiadina Bassa.
· La vischnanca da Breil po defintivamain realisar la via da colliaziun cun Vuorz. Il Tribunal federal a Losanna ha refrusà il recurs che persunas privatas avevan fatg cunter la decisiun da la Dretgira administrativa dal Grischun l'atun passà.
· Il Grischun Peter Barandun è vegnì elegì sco nov president da Swiss Ski. Fin uss era el vice- e sco ultim co-president ensemen cun Urs Lehmann. Lez banduna Swiss Ski per daventar CEO da la Federaziun internaziunala da skis, FIS.
