Che Sergio Guetg vala sco gourmet d'hobi è enconuschent ad audituras ed auditurs da RTR. Era sias istorgias culinaricas e «posts» en las raits socialas cun passa 4'000 followers èn prest in zic cult.
-
audioSimona Hendry en cuschina cun «gourmet Sergio» part 108:37 min, ord Nossa cuschina dals 03.05.2023. Maletg: Gaby Degondalaschar ir. Durada: 8 minutas 37 Secundas. -
audioSimona Hendry en cuschina cun «gourmet Sergio» part 207:19 min, ord Nossa cuschina dals 10.05.2023. Maletg: Gaby Degondalaschar ir. Durada: 7 minutas 19 Secundas. -
audioSimona Hendry en cuschina cun «gourmet Sergio» part 304:39 min, ord Nossa cuschina dals 17.05.2023. Maletg: RTRlaschar ir. Durada: 4 minutas 39 Secundas. -
audioSimona Hendry en cuschina cun «gourmet Sergio» part 405:06 min, ord Nossa cuschina dals 24.05.2023. Maletg: RTRlaschar ir. Durada: 5 minutas 6 Secundas.
Uschia n'è quai stà nagina surpraisa che audituras da RTR èn s'annunziadas sin l'appel da pudair envidar Sergio Guetg per cuschinar ensemen. L'idea da Sergio Guetg a quell'occasiun: Preschentar in plat cun ingredienzas simplas, ch'ins chatta en butia dal vitg, stagiunal, regiunal e variant. Las spaisas han plaschì.
En cuschina a Glion
Uschia ha Sergio Guetg pudì cuschinar tar Simona e Sep Hendry da Glion. E per propi: Per ina giada ha Sergio Guetg era dà or da maun ses ominus cuntels da cuschina ch'el tgira cun premura.
Tgi avess pensà ch'jau cuschin ina giada a Glion
Cun Simona Hendry, la naturopata e droghista ha Sergio Guetg striunà in grondius plat lev, savurus e delicat: «Kebab» da pulaster sin plimatsch da ris e spinat cun ina decoraziun dultsch-picanta. Tant Simona sco era ses um Sep Hendry han giudì la visita e la spaisa deliziusa dal «gourmet Sergio».
