Siglir tar il cuntegn

Header

cuntegn

Sergio cuschina a Sent A chasa en cuschina cun «gourmet Sergio»

Sin annunzia ed invitaziun da Heidi Laurent-Domenig è Sergio arrivà a Sent per cuschinar ensemen in plat simpel, creativ e delizius.

Che Sergio Guetg vala sco gourmet da hobi è enconuschent ad audituras ed auditurs da RTR. A Sent ha Sergio fatg quai ch'el fa il pli gugent sper il far radio – cuschinar.

Audituras da RTR han pudì s’annunziar ed envidar Sergio Guetg per cuschinar ensemen. L'idea da Sergio Guetg a quell'occasiun: Preschentar in plat cun ingredienzas simplas, ch'ins chatta en butia dal vitg, stagiunal, regiunal e variant. Il plat a gustà fitg bain.

En cuschina a Sent

Sergio Guetg ha gì grond plaschair da pudair cuschinar tar Heidi Laurent-Domenig a Sent. L’idea da Sergio è stada quella da cuschinar in plat cun ingredienzas simplas, uschia che er ils uffants pon gidar en cuschina. Pasta frestga fatga cun duas ingredienzas, farina e spinat. Per quella pasta na dovr'ins nagina maschina da pasta. Quella pasta vegn fatga a maun. La pasta vegn servida cun spiduns da charn fatgs sez, e cun ina garnitura da verduras. Latiers vegn servida ina sosa da dip sin basa da yogurt e pesto cotschen.

RTR Nossa cuschina

Artitgels legids il pli savens