Siglir tar il cuntegn

Header

Silvia Derungs avant chasa ad Uors en Lumnezia
Legenda: Silvia Derungs avant chasa ad Uors en Lumnezia Gaby Degonda
cuntegn

Silvia Derungs dad Uors Ervas, itgs e curry cotschen cun «pfiff»

Nossa Cuschina accumpogna Silvia Derungs-Badrutt da Uors Lumnezia en sia cuschina e curtin.

I fa tut curius da pensar che jau hai passentà dapli temp en Lumnezia che en mia patria nativa l’Engiadina
Autur: Silvia Derungs Badrutt

Silvia Derungs-Badrutt discurra sursilvan sco ina vaira Lumneziana. Sco figlia da geniturs da Scuol e Schlarigna discurra ella uss trais idioms rumantschs. L’entschatta haja ella cumbattì en Lumnezia, ma lura saja il sursilvan daventà normalitad. Ella charezzia memia ferm ils idioms per restar sulet tar in idiom.

Mes giavisch era da daventar tgirunza d'uffants pitschens.
Autur: Silvia Derungs cussegliadra per mammas en pensiun

Ils davos 19 onns da sia activitad professiunala ha Silvia Derungs lavurà sco cussegliadra d’uffants en Lumnezia. Sco tgirunza d’uffants pitschens diplomada haja ella chattà gronda satisfacziun en questa lavur.

Avant che pudair emprender tgirunza d’uffants pitschens, ha ella absolvì l’emprendissadi mercantil. Cun 19 onns ha ella lura finalmain pudì realisar ses siemi e cumenzar ses emprendissadi tar l’ospital d’uffants a Turitg.

Jau cuschin gugent perquai che jau mangel gugent. Quai è il motor!
Autur: Silvia Derungs tgirunza da uffants pitschens en pensiun

Onns pli tard è l’emprendissadi da commerzi vegnì dabun. Ina giada maridada e sa chasada ad Uors en Lumnezia cun ses um Robert ha Silvia Derungs surprendì il manaschi da la Banca Chantunala en lur dimora. «Ina banca en stiva –  oz, inimaginabel», declera Silvia Derungs che beneventava la clientella da banca en sia chasa privata. Ma sco mamma da dus uffants pitschens era quai ideal.

Actualmain giauda Silvia Derungs la pensiun cun ses um Robert. Ir a viandar, ir cun velo, ma surtut ir cun skis l’enviern è ses grond hobi. Sper las activitads sportivas charezza la dunna da 66 onns da cultivar e lavurar cun ervas.

L'erva da vermut è mia erva favurita, amara ma buna.
Autur: Silvia Derungs amanta da fluras ed ervas curativas

En ses curtin sa zuppan radund 20 differentas sorts ervas, bleras autras tschertga ella en ils auts. Ella setgenta fluras ed ervas per far maschaidas da té. L’atun truscha Silvia Derungs itgs curativs cun ragisch da sanartugl, itg da flur calendula u era sirups per la tuss.

RTR Nossa cuschina 10:00

Artitgels legids il pli savens

Scrollar a sanestra Scrollar a dretga