La cifra – 3 milliuns

3 milliuns meters cubic, quai èn, sch'ins quinta ch'in camiun po transportar circa 10 meters cubic cun ina chargia, 30'000 chargias. Er pon ins cun quella massa da material emplenir bunamain sis giadas il Hallenstadion a Turitg. Igl è dentant betg stà la pli gronda bova da crappa insumma en Svizra, quella è numnadamain stada avant radund 9'500 onns a Flem. Là èn 9 fin 12 milliardas meter cubics ids a val ed han midà l'entira cuntrada en la regiun.