Siglir tar il cuntegn

Header

audio
L’unifurma dals voluntaris per las cursas mundialas dal favrer 2017 a San Murezzan.
RTR, Georg Luzzi
laschar ir. Durada: 3 minutas 12 Secundas.
cuntegn

San Murezzan: 1'300 voluntaris èn pronts per CM 2017

Grond travasch en las salas dal Rondo a Pontresina: Entaifer ils dus dis dal kick-off vegnan il voluntaris infurmads, instruids e vestgids cun l'unifurma unitara.

La recrutaziun dals voluntaris è segiramain ina da las grondas sfidas da lorganisaziun da las cursas mundialas da skis alpin dals 9 fin ils 19 da favrer 2017 a San Murezzan. Radund 1'300 voluntaris ston vegnir instruids en differentas lavurs sco guardiaportas, team da glischnar la pista, spartiziun dalimentaziun, alloschi, vendita da bigliets, organisaziun da las ceremonias e events, segirezza e bler auter.

Senza voluntaris naginas cursas

Senza la lavur dals voluntaris n'è lorganisaziun din event cun ina tala dimensiun betg pussaivla. La lavur che vegn prestada ha per il comité dorganisaziun ina valur da radund 5 milliuns francs.

Giuven e vegl sa participescha

Bunamain in terz dals voluntaris derivan dal chantun Grischun, blers vegnan er da la Svizra Centrala, ma era da pajais esters sco la Germania, l'Austria e perfin da lAmerica e da la Nova Zelanda. La maioritad èn persunas pensiunadas ch'han il temp da sengaschar. Ma era blers giuvens èn fascinads desser ina pitschna part da questa famiglia voluntaria.

Dapli da «Total local»

Scrollar a sanestra Scrollar a dretga