Henning Hanson è oriund da Stockholm. Ils onns 2000 è l'informaticher vegnì en Svizra. El viva a Frauenfeld en il chantun Turgovia. Cun sia atgna firma porscha el consulting e management da qualitad. Henning Hanson s'interessa per linguatgs e vuleva emprender rumantsch. Dà il stausch ha sia dunna che ha regalà in curs da rumantsch da Nadal. Dentant ha Henning Hanson gia frequentà plirs curs da stad a Laax ed a Glion. Gugent discurra el rumantsch cun sias amias e ses amis da l'URB, l'Uniun per las Rumantschas ed ils Rumantschs da la Bassa. Cun lectura rumantscha e da guardar las emissiun dad RTR perfecziunescha il svedais il quart linguatg svizzer. Henning Hanson è savens en il Grischun en la chasa da vacanzas a Pany en il Partenz. El va gugent cun velo sur ils pass grischuns e d'enviern è el sco bobist passiunà sin il vial da bob en l'Engiadin'Ota.
Tratgas da la Svezia cun Henning Hanson
En «Tips, trics e tacs» dal mais da zercladur preschenta Henning Hanson spezialitads da la Svezia. Tranter quellas «Köttbullar», las cullas da charn svedaisas u in gratinà da pesch cun giomberets. Sosas da coclas èn er ina marca da la cuschina svedaisa.