Ina da quellas è la baselgia Sontg Flurin a Ramosch. La construcziun nova da la baselgia è vegnida consecrada l'onn 1522, avant 500 onns. La raspada da Ramosch festivescha il giubileum da sia baselgia ils 17 da zercladur cun ina sairada festiva cun musica, discurs e cun ina massa tschegns istorics.
Dal medem temp sco la baselgia Sontg Flurin derivan era varsaquants auters edifizis sacrals che stattan sin il territori dal Grischun d'ozendi. Ins discurra din veritabel boom da construcziun ubain da renovaziun d'edifizis sacrals en la perioda da la gotica tardiva. Per tge motivs ch'ins ha construì tant, tge baselgias marcantas ch'èn vegnidas erigidas en quest temp en il Grischun e co ch'ins ha finanzià quest moviment da construcziun, quai explitgescha l'istoricher d'art ed anteriur professer per la tgira da monuments Nott Caviezel en Vita e cretta.
100 projects da construcziun d’edifizis sacrals en 50 onns
Ina veritabla unda da construcziun hai dà en il Grischun a partir da la mesadad dal 15avel tschientaner. Da lez temp èn vegnidas bajegiadas e renovadas numerusas baselgias e chapluttas en il stil da l'architectura gotica tardiva.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
