03.05.2026, 08:03 Ura - «Clom» - in cudesch da chant che collia catolicas e refurmads

«Clom» è in nov cudesch da chant communabel per las duas confessiuns catolic roman ed evangelic-refurmà. En la «Vita e cretta» actuala dattan il teolog catolic Andri Casanova ed il teolog refurmà ser Jan-Andrea Bernhard pled e fatg co ch'igl è stà da crear communablamain quella nova ovra che cumpiglia varga 600 chanzuns. Els raquintan da las sfidas e dals plaschairs, da fatgs che collian e da tals che dovran punts, co per exempel la lingua religiusa da las duas confessiuns, che sa differenzieschia per part. Ed ils dus mainaproject dattan era invista co ch'igl è vegnì tar quai ch'il chanzunari cumpiglia er intginas chanzuns sutsilvanas e tge rolla che las ovras femininas giogan en in metier cun ragischs istoricamain plitost masculinas.