«L’acziun da rimnar rauba dal mintgadi ha l’effect ch’ins po far attent ch’i dat er paupradad tier nus», di Diego Deplazes, il manader da fatschenta da la Crusch Cotschna dal Grischun. «En Svizra è quai radund 700’000 persunas, pia mintga 12avla persuna ch’è pertutgada.»
Giavischà per l’acziun 2x Nadal èn products dal mintgadi che laschan tegnair ditg - sco té, café, farina, zutger ni buglias da pops. Da l’autra vart è er giavischà products da higiena, cunzunt pasta da dents e barschuns da dents. «Il problem sez n’è cun quella acziun betg schlià. Uschia ha l’acziun duas finamiras: sa gidar al lieu e far attent la populaziun ch’i dat er tar nus paupradad e che nus stuain agir solidaric», di Diego Deplazes en Vita e cretta.
Logisticamain è l’acziun 2x Nadal ina gronda sfida. Ils pacs cun la rauba vegnan tramess cun la posta en il center logistic da la Crusch Cotschna Svizra a Wabern en il chantun Berna. 500 persunas voluntarias avran ils pacs e controlleschan la rauba. Lura vegni zavrà sin fundament dals giavischs dals singuls chantuns. Suenter vegn il material transportà en ils chantuns, là puspe zavrà – en il Grischun da 20 persunas voluntarias - e fatg pront per las instituziuns socialas localas ch’han dumandà il products.
Giavischà per l’acziun 2x Nadal èn products dal mintgadi che laschan tegnair ditg - sco té, café, farina, zutger ni buglias da pops. Da l’autra vart è er giavischà products da higiena, cunzunt pasta da dents e barschuns da dents. «Il problem sez n’è cun quella acziun betg schlià. Uschia ha l’acziun duas finamiras: sa gidar al lieu e far attent la populaziun ch’i dat er tar nus paupradad e che nus stuain agir solidaric», di Diego Deplazes en Vita e cretta.
Logisticamain è l’acziun 2x Nadal ina gronda sfida. Ils pacs cun la rauba vegnan tramess cun la posta en il center logistic da la Crusch Cotschna Svizra a Wabern en il chantun Berna. 500 persunas voluntarias avran ils pacs e controlleschan la rauba. Lura vegni zavrà sin fundament dals giavischs dals singuls chantuns. Suenter vegn il material transportà en ils chantuns, là puspe zavrà – en il Grischun da 20 persunas voluntarias - e fatg pront per las instituziuns socialas localas ch’han dumandà il products.
