Siglir tar il cuntegn

Header

audio
MAD, Clau Martin Bieler
laschar ir. Durada: 57 minutas 26 Secundas.
cuntegn

«En temps da guerra datti savens malsegirezzas»

Sche schuldada fa experientschas turmentantas, po ella sa drizzar a l'assistenza spirituala da l'Armada svizra. Quai è uss, en temps ch'i regia guerra er en l'Europa pli che mai impurtant.

Clau Martin Bieler che deriva da Rabius è administratur parochial a Sattel en il chantun Sviz. Il teolog, che ha studegià teologia a Cuira ed a Roma, n'enconuscha dentant betg mo quai che fatschenta ils parochians e las parochianas da Sattel, el sa era tge che preoccupa la schuldada da l'Armada svizra. Clau Martin Bieler è era chaplon e spiritual militar e procura per la pastoraziun da quella. Plinavant è el schef d'equipa en il Care Team da l'Armada svizra, il team che fa pastoraziun d'urgenza.

Totalmain 171 spirituals militars sustegnan schuldats e schuldatas svizras, sch'ellas han insatge sin il cor. Ils spirituals s'occupan da tut las persunas, tuttina a tge religiun ch'ellas appartegnan. Igl è scumandà da missiunar. Dapi il matg da quest onn lavura er in spiritual cun background muslim en l'armada. Uschia reagesch'ins sin la diversitad confessiunala entaifer l'armada. Previs èsi era d'engaschar spirituals d'autras religiuns. Quai en cas ch'i dat problems e dumondas che pertutgan las religiuns specificas.

Tge tematicas che fatschentan oz spezialmain la schuldada, sco che sia atgna religiun gida a Clau Martin Bieler da sustegnair auters e pertge ch'i dovra tenor el adina dapli l'assistenza spirituala entaifer l'armada, quai tradescha el en «Vita e cretta».

Dapli da «Vita e cretta»

Scrollar a sanestra Scrollar a dretga