Siglir tar il cuntegn

Header

audio
Johannes Stückelberger è in dals experts ils pli renconuschids da quai che pertutga la construcziun e l'estetica da baselgias.
Werner Rolli
laschar ir. Durada: 57 minutas 4 Secundas.
cuntegn

«Er ina societad pli e pli seculara dovra edifizis sacrals»

L'expert da construcziun sacrala Johannes Stückelberger declera, pertge che baselgias na vegnan er en 100 onns betg a perder lur numerusas funcziuns. I dovria dentant novas ideas ed impuls, er en il Grischun.

Baselgias èn lieus da silenzi, da reflexiun, lieus da veneraziun e spiritualitad. Ma betg mo quai. Ellas èn era monuments culturals da grond'impurtanza, edifizis che regordan nus umans a nossa lunga istorgia. E las baselgias furman e structureschan nossas cuntradas e nossas citads.

Johannes Stückelberger è docent per estetica sacrala a la Facultad teologica da l'Universitad da Berna e professer per istorgia d'art modern a l'Universitad da Basilea. El ha accumpagnà e cusseglià numerus projects da reutilisaziun d'edifizis sacrals en Svizra. Cun ina tala reutilisaziun dettia novas pussaivladads da segirar il mantegniment e la renovaziun d'edifizis sacrals er en l'avegnir.

Pertge ch'ins ha gist en il Grischun retegnientschas en connex cun la reutilisaziun d'edifizis sacrals, pertge che quai è tuttina er en urden, sch'ina baselgia na vegn betg utilisada durant temps pli lungs e tgenina ch'è la rolla speziala da las claustras, quai udis en Vita e cretta.

Dapli da «Vita e cretta»

Scrollar a sanestra Scrollar a dretga