Siglir tar il cuntegn

Header

audio
Blers commembers bandunan oz la baselgia refurmada
©Julia Taubitz, unsplash.com
laschar ir. Durada: 57 minutas 46 Secundas.
cuntegn

Exista la Baselgia refurmada anc en 100 onns?

As regurdais Vus anc da quels temps, cura che ir a messa tutgava tar la vita dal mintgadi? Cura che quasi tuts e tuttas, faschevan part da la Baselgia catolica u refurmada, senza metter en dumonda quai? Quai ch'è stà la realitad avant 50 onns è oz auter. E co pudess quai esser en lavegnir?

Oz èn mo pli sis da 10 persunas anc commembers e commembras da las grondas cuminanzas cristianas en Svizra, quai mussan las cifras actualas da l'Uffizi federal da statistica. Cunzunt la cuminanza evangelica sto supportar ina gronda digren da commembers.

En il rom da la seria «Il Grischun en 100 onns» da RTR dumonda Vita e cretta: Datti insumma anc las grondas baselgias cristianas, la Baselgia catolic-romana e la Baselgia evangelic-refurmada, en 100 onns? E sche gea, co pudessan quellas esser organisadas? E co pudessan ellas surviver?

Questa giada stat la Baselgia refurmada en il center. Duas persunas che sa fatschentan intensivamain e da maniera professiunala cun la Baselgia refurmada ristgan da far prognosas, formuleschan hipotesas e palaisan in u l'auter giavisch per il futur da lur baselgia: Anja Felix-Candrian, preditganta refurmada che viva a Sagogn e Michel Müller, preditgant e president dal cussegl-baselgia dals refurmads en il chantun da Turitg. El sa fatschenta gia dapi onns cun l'avegnir da la Baselgia refurmada.

Dapli da «Vita e cretta»

Scrollar a sanestra Scrollar a dretga