Siglir tar il cuntegn

Header

audio
RTR
laschar ir. Durada: 57 minutas 21 Secundas.
cuntegn

«I dovra almain ina confruntaziun minimala cun l’evangeli»

Quanta libertad han artists ed artistas, sch'els ed ellas vegnan incumbensadas da la baselgia? Ubain co sto art esser per vegnir considerà sco cunvegnent per la baselgia? E tgi decida quai?

Quellas dumondas avain nus fatg a la teologa, plevonessa ed enconuschidra d'art Alexia Zeller a chaschun da nossa seria «art e baselgia».

Ella ha fatg patratgs davart quellas dumondas. Ed ha era mess quellas en connex cun ils fatgs ch'han dà da discutar dacurt en il Grischun: Il maletg da l'artista Anna R. Stoffel ch'è vegnì allontanà ord la baselgia da Laax, las fanestras da vaider che l'artist Not Vital ha vulì regalar a la plaiv d'Ardez, ma che quella ha refusà u era il maletg dal pictur artist Robert Indermaur ch'avess pudì decorar ina paraid en la baselgia da Breil. Era la plaiv en Surselva ha desistì dal project d'art.

Malgrà che las plaivs han mintgamai gì lur raschuns da refusar quels projects d'art, pon ins sa dumandar: Tge problem ha la baselgia cun art contemporan? E na purschess l'art betg er ina schanza da carmalar puspè dapli glieud en las baselgias? Ses punct da vista explitgescha la teologa Alexia Zeller en Vita e cretta.

Dapli da «Vita e cretta»

Scrollar a sanestra Scrollar a dretga