Il pon da bara da Turin – inscunter cun in fenomen

Per ils ins è el il vair pon da bara da Jesus, per las autras ina sfalsificaziun medievala ed insumma inistorgia da sfiflas – il pon da bara da Turin. Segir è dentant, che quest pon è plirs tschientaners vegl e ch'el occupa dapi tschientaners il mund cristian.

Ina copia dal pon è da vesair actualmain en la baselgia catolica a Wädenswil. Quella mussa in'exposiziun ambulanta dals Maltais tudestgs, che sa deditga a la dumonda: Tgi è l'um sin il pon? Auter ch'il Vatican enconuschan ils Maltais en sasez la resposta, quai mussa lur exposiziun.

Per la Vita e cretta è Isabelle Jaeger stada a guardar l'exposiziun – ed a discurrer cun il cuniniziant dal lieu d'exposiziun Wädenswil, cun il diacon permanent Andreas Neira.

Lucia Wicki-Rensch è naschida e creschida si a Trun. Ella s'engascha dapi plirs onns tar l'organisaziun «Kirche in Not», in'ovra caritativa internaziunala per las baselgias en miseria e per ils cristians e las cristianas persequitadas sin lentir mund.