Siglir tar il cuntegn

Header

audio
Sguard en l'exposiziun.
© Forum dal Santeri da Turitg
laschar ir. Durada: 58 minutas 11 Secundas.
cuntegn

In access sensitiv a la fin da la vita

Nus temain ella u avain almain respect dad ella. Nus empruvain da spustar ella e nus tabuisain ella. La mort è la gronda nunenconuschenta en nossa vita.

Sa la mort era esser in'amia? Tge prestan la medischina e la tgira palliativa? E sa era cultura – per exempel litteratura u design – purtar in zic levgiament en il process dal murir? E sche gea, co quai?

Dumondas tractadas en l'exposiziun cun il titel «The End – My Friend? Umsorgt in den Tod». In'exposiziun ch'è da vesair actualmain en il Forum dal Santeri da la citad da Turitg. Quai è in center da servetsch per dumondas en connex cun murir, la mort, sutterrar ed esser en cordoli. Supplementarmain porscha il Forum dal Santeri er ina tribuna per cultura, per exempel per exposiziuns.

En «The End – My Friend? Umsorgt in den Tod» raquintan persunas da la tgira palliativa las istorgias tristas, commoventas ed era divertentas dals pazients e da las pazientas ch'ellas han accumpagnà en la mort. Dudesch scripturas svizras da renum sco Sibylle Berg, Ruth Schweikert, Milena Moser u era l'Engiadinaisa Romana Ganzoni raquintan lur istorgias persunalas en connex cun il murir ubain cun la mort. E Bitten Stetter, ina designra da success e professuressa per design a la Scola auta turitgaisa dals arts, preschenta sias atgnas, novas creaziuns dad objects ch'ins enconuscha en connex cun la tgira – il tegn da letg, la scadiola da malsauns ubain la chamischa d'ospital.

Dapli da «Vita e cretta»

Scrollar a sanestra Scrollar a dretga