Ils dark-tec-gigants insceneschan sasez sco sch’els vulessan dar la libertad e proteger nus da regulaziuns da stadis ni regenzas. Ma dapi 10, 20 onns emprovan els da destruir activamain las medias redacziunalas sco p.ex. RTR, SRF ni la NZZ. Ed ils tec-concerns èn er sincronisads cun las partidas populisticas da la dretga che raquintan las medemas manzegnas, di il scienzià da medias Martin Andree. Ed els, ils concerns, fan gist anc il cuntrari da quai ch’els dian - numnadamain els restrenschan la libertad da las medias. «Las medias vegnan controlladas dals algoritmus da las plattafurmas. Ellas controlleschan tgi che vesa tge cuntegns. E las plattafurmas èn er quellas che manipuleschan cuntegns per motivs economics», di il scienzià da medias Martin Andree.
«Manipulaziun dal traffic è il sulet model da fatschenta da las plattafurmas», concretisescha Martin Andree en Vita e cretta. «Perquai è er mintga discurs da plattafurmas neutralas ina cuntradicziun da sasez.Sut plattafurmas vivain nus en ina zona d’occupaziun digitala betg libra.»
Las plattafurmas han tanta pussanza perquai ch’ellas han enorm blers privilegis. E quels privilegis antidemocratics èsi da stritgar. Senza quels na pudessan las plattafurmas betg exister. «Monopols da medias èn inacceptabels, en Germania per exempel er scumandads. Sche nus avain monopols da medias n’avain nus nagins medias libras pli. Ed uschia perdain nus er la basa da nossa democrazia», di Martin Andree.
«Manipulaziun dal traffic è il sulet model da fatschenta da las plattafurmas», concretisescha Martin Andree en Vita e cretta. «Perquai è er mintga discurs da plattafurmas neutralas ina cuntradicziun da sasez.Sut plattafurmas vivain nus en ina zona d’occupaziun digitala betg libra.»
Las plattafurmas han tanta pussanza perquai ch’ellas han enorm blers privilegis. E quels privilegis antidemocratics èsi da stritgar. Senza quels na pudessan las plattafurmas betg exister. «Monopols da medias èn inacceptabels, en Germania per exempel er scumandads. Sche nus avain monopols da medias n’avain nus nagins medias libras pli. Ed uschia perdain nus er la basa da nossa democrazia», di Martin Andree.
