Mirella Capin: L'univers è sco in apparat da fotocopiar – part 1

«Dumandai e vus retschavais». Quest citat ord la bibla è daventà fitg impurtant per la chinesiologa ed aurachirurga Mirella Capin da Savognin, che viva a Turitg e che maina là sia atgna pratica.Quest citat stat en stretga relaziun cun l'aurachirurgia. Ma tge è aurachirurgia? E sco po quella metoda gidar d'avrir in nov mund? Sco l'aurachirurgia ha gidà da midar cumplettamain sia atgna vita, raquinta Mirella Capin en «Vita e cretta».Durant la stad maina «Vita e cretta» discurs cun protagonistas e protagonists da la Rumantschia davart lur cardientscha e lur valurs e fa dumondas filosoficas. Tge ch'exista sin il mund ch'ils carstgauns na vesan betg, e sco ch'ins po tuttina badar l'invisibel, er davart quai discurrin nus cun Mirella Capin. Gist sco davart dumondas en connex cun art: Tge è art? E tgi decida atgnamain, tge ch'è art e tge betg?