«Nus essan ibrids – la glieud vul cubinar tut il pussaivel»

Far viadi na fan ins betg per arrivar, mabain per viagiar, manegia Martin Vincenz citond in scriptur tudestg. Ma gist l'enviern cun bler bagascha saja far viadi stentus.

Redacziun: Claudia Cathomen

Carstgauns han il dretg da far viadi. Ma il dretg da far tge ch'ins vul n'ha nagin, di il directur da Grischun vacanzas. Gist quai saja il punct da vesair tge ch'è libertad e tge reglas ch'i dovra per pudair structurar quai dretg.

Singulas contribuziuns

Zum Audio

«Esser liber è far tge ch’jau vi»

Durada 6 minutas 57 Secundas , Claudia Cathomen

Esser liber vul er dir emprender d'enconuscher, di Martin Vincenz, il directur da Grischun vacanzas. Emprender d'enconuscher la cultura, l'istorgia, la religiun, spaisas e bavrondas. E tgi che va a pe, haja dapli da la natira, di il turisticher da professiun che va sez gugent cun velo.

Zum Audio

«Il pled turissem vegn da touring e touring vul dir viagiar»

Durada 7 minutas 12 Secundas , Claudia Cathomen

Carstgauns han il dretg da far viadi. E quai cumenza gia sco uffant pitschen, per exempel il viadi en scoletta. Scolarets hajan magari dapli aventuras sin lur viadi en scoletta che persunas creschidas.

Ma il dretg da far tge ch'ins vul n'ha nagin, di Martin Vincenz. Gist quai saja il punct da vesair tge ch'è libertad e tge reglas ch'i dovra per pudair structurar quai dretg.