Siglir tar il cuntegn

Header

audio
Purtret da l'exposiziun davart las ditgas
© Museum naziunal svizzer
laschar ir. Durada: 58 minutas 58 Secundas.
cuntegn

Territori alpin mitic – da dialas, draguns e diavels

Ellas chaschunan pel-giaglina e fascineschan il medem mument. Ditgas sco quellas da la Punt dal Diavel, dal «Sennentuntschi» ubain da la Giunfra da Morteratsch. En il territori alpin svizzer datti in stgazi zunt ritg da ditgas enconuschentas.

Ina ditga è in raquint che cuntegna bain chaussas vairas, dentant er parts inventadas che fan savens in zic tema. En ils raquints vai savens per spierts, strias, draguns u diavels, però era per figuras istoricas. Bleras ditgas sa refereschan sin lieus existents e per part era sin eveniments capitads. Cuntrari a quai èn paraulas cumplainamain inventadas.

En Svizra, cunzunt en il territori alpin, èn ditgas vegnidas dadas vinavant dapi tschientaners. Bleras èn vegnidas messas en scrit en il 16avel tschientaner. I dat era numerusas ditgas rumantschas, pliras tschient èn da chattar en la Crestomazia. Talas ditgas stattan en il center da l'exposiziun «Territori alpin mitic» ch'il Forum per istorgia svizra a Sviz mussa da l'avrigl enfin l'october.

Vita e cretta ha fatg ina visita a l'exposiziun cun la curatura Pia Schubiger e va a la tschertga da l'origin e da la derasaziun da las ditgas or dal territori alpin. Er uschia stattan en il center la funcziun e l'effect da las ditgas.

Dapli da «Vita e cretta»avrir la landingpage

Scrollar a sanestra Scrollar a dretga