Radar da precipitaziuns

Il maletg da radar mussa las precipitaziuns sur la Svizra. Las colurs inditgeschan l’intensitad da las precipitaziuns e differenzieschan tranter plievgia, granella e naiv. Las precipitaziuns vegnan maseradas cun staziuns da radar. Las staziuns emettan undas da radar en tut las direcziuns. Cura che questas undas fruntan sin precipitaziuns, lura vegnan ellas per part reflectadas. Sin fundament da l’intensitad dal «eco da radar» pon ins concluder la fermezza e la qualitad da las precipitaziuns. I è dentant da considerar ch’il signal è claramain pli flaivel cura ch’i naiva. Qua tras èsi pli difficil da valitar l’intensitad. Il lieu da las precipitaziuns vegn calculà tras la differenza dal temp tranter l’emissiun e la retschavida dal signal. Il maletg da precipitaziuns sa cumpona da las mesiraziuns da quatter staziuns da radar: Albis, La Dôle, Monte Lema e Plaine Morte. Datti precipitaziuns lunsch davent d’ina staziun da radar, lura na po la precipitaziun betg vegnir registrada cumplettamain. Quai sa mussa en spezial en l’Engiadina bassa cura ch’i naiva. Cun la construcziun da la tschintgavla staziun da radar sin il Weissfluhjoch, vegn l’entira Svizra ad esser survegliada idealmain la fin dal 2016.

Funtauna da datas:

.