Siglir tar il cuntegn

Header

cuntegn

Diari Gievgia

Il diari da gievgia, ils 23.07.2015

audio
Vuschs da la gievgia
ord RTR Audio dals 24.07.2015.
laschar ir. Durada: 1 minuta 29 Secundas.

Tge dian ils visitaders da l’emprim di al OAL 2015? Nus avain rimnà in per reacziuns da l'areal. Positivas, negativas, per rumantsch, per tudestg, senza commentari, semplamein la vista subjectiva dals visitaders.

Müslüm

Il davos act questa saira al OAL 2015 è Müslüm. L’enconuschent artist da Berna è il punct culminant da l’emprima saira. In tip tut spezial.

Satöry

Satöry, Hard Rock da la Surselva. Els han persvas il public, dentant betg dal tut ils experts da RTR Mirco Manetsch e Roland Vögtli. Tenor els sentia ins, ch’els na hajan betg dà tants concerts sco autras bands questa saira.

Royal Riot

La terza band è stàda Royal Riot da Son Gagl. La band ha gì la pli gronda preschientscha sin tribuna da tut las bands fin ussa. Ina band cun grond potenzial, da la quala ins vegn anc ad udir bler il proxim temps.

TORP

La secunda band questa saira al Open Air Lumnezia è stà TORP, ina band da Turitg. TORP dat i dapi in onn, ed els han potenzial. L’entschatta ha l’energia mancà in pau, suenter ina mes’ura eran i dentant sin turas ed avessan savì cuntinuar per uras...

Polyphone

L’emprima band da la saira è stada la band engiadinaisa Polyphone. La band domiciliada a Cuira e Turitg ha sunà da las 20:00. Esser l’emprima band è adina difficil. Els han dentant dà in bun concert ed han motivà il public anc stgars. Ina band cun potenzial.

Jachen Prevost intervistescha la band Polyphone. Da sanester: Simon Steiner, Marcus Petendi e Valentin Bezzola.
Legenda: Jachen Prevost intervistescha la band Polyphone. Da sanester: Simon Steiner, Marcus Petendi e Valentin Bezzola. RTR, L. Livers
Ils emprims visitaders dal Open Air Lumnezia 2015. Livio Casutt da Glion (sanester) e Arno Panier da Sagogn (dretg).
Legenda: Ils emprims visitaders dal Open Air Lumnezia 2015. Livio Casutt da Glion (sanester) e Arno Panier da Sagogn (dretg). RTR, L. Livers
La festa ha già cumenzà avant las portas dal Open Air Val Lumnezia.
Legenda: La festa ha già cumenzà avant las portas dal Open Air Val Lumnezia. RTR, L. Livers
Curt avant che als portas dal Open Air Lumnezia 2015 arvan.
Legenda: Curt avant che als portas dal Open Air Lumnezia 2015 arvan. RTR, L. Livers

Artitgels legids il pli savens