La band Flogging Molly (la Molly che giaschla) è ina band cun musicists da l’Irlanda / Stadis Unids da l’America da chasa a Los Angeles. Els sunan ina maschaida da Folk irlandais e Punk-Rock. Detg simpel, ina band per far festa.
Lo & Leduc
Il concert da Lo & Leduc è a fin. Gest suenter lur concert, èn Lo & Leduc vegnì en il bus da RTR per dar ina intervesta.
Gir culinaric dal OAL
Sper la tenda nua ch’i dat tortellinis, capuns e ragout cun bizochels datti anc ina gronda purschida supplementara da mangiativas pli u main exoticas: asiatic, mexican, raclette ed er zagrenders. Jachen Prevost ha fat in gir culinaric.
Bilderbuch
Da las 17.10 suna Bilderbuch al OAL. La band da l’Austria è l’emprima giada al OAL ed els han gia fatg ina tura ella regiun, sco Maurice Ernst, il chantadur da la band, ha raquintà a Sergio Guetg.
Open Air Lumnezia vendì ora
Sco quai che ils organisaturs dal Open Air Lumnezia han communitgà quellas minutas è l’open air vendì ora. I na dat nagins bigliets pli. Sur trais dis è vegnì vendia 18'000 milli bigliets e quai munta in record per l’Open Air Lumnezia, sco quai che Catia Tschuor, la responsabla per la communicaziun e marketing dal open air, ha confirmà a RTR. Tut las cassas da saira èn serradas.
Ramona ed Edi Caduff nizzegian l’Open Air per far fatschenta
Igl OPEN AIR Lumnezia è ina festa serrada en sasez.
Las fatschentas dal vitg ni dal conturn san dentond era profitar da quella festa.
Las stizuns cun vender burbonas e maglia e la hotellaria cun laschar vi las stanzas.
A Degen han Edi e Ramona Caduff prendia la chaschun ed avert lur Besenbeitz era durant la stad, gest uschia sco els fan quai l’enviern.
L’idea da far quai s'è cumprovada gia suenter l’emprima saira. Bler dapli glieud che spetgà s' èn fermads tar Ramona ed Edi.
Jeans for Jesus
La band Jeans for Jesus, ina India-Elektropop-Band da Berna, è ina da las grondas scuvertas da l'onn vargà. Roland Vötgli ha gì l'occasiun da far ina intervista cun il chantadur Michael Egger.
Baba Shrimps
L'areal dal Open Air Lumnezia 2015 è pront per in nov di. L'emprima band sin tribuna è Baba Shrimps. Els sunan vers las duas, lur concert vegn emess sin RTR questa saira suenter las 22:00.