La Chadaina da Fortuna ha pudì quintar sin ina gronda solidaritad da la populaziun svizra per ils fugitivs.
Fin las 23.00 èn vegnids rammassads 6’977’686.- francs durant il di naziunal da collecta, mardi, ils 15-09-2015.
Ina da las centralas per rimnar donaziuns è tar Radiotelevisiun Svizra Rumantscha (RTR) a Cuira, nua che voluntaris e prominenza han prendì encunter donaziuns al telefon.
Igl è vinavant pussaivel da far donaziuns:
- via la pagina d'internet www.glueckskette.ch , il link avra en ina nova fanestraavrir en il browser
- pajaments directs sin il conto postal 10-15000-6 (remartga «Fugitivs»)
- cedels da pajament da la Chadaina da Fortuna pon ins era retrair tar mintga uffizi postal
- cun l'app da donaziuns «Swiss Solidarity», il link avra en ina nova fanestraavrir en il browser
Il basegn d’agid resta grond. Las donaziuns pussibiliteschian a la Chadaina da Fortuna da cuntinuar cun l’agid d’urgenza e distribuir nutriment, aua, medicaments, vestgadira e lura er sustegnair ils centers per retschaiver ils fugitivs che dovran savens sustegn psicologic e cussegliaziun giuridica.
