Siglir tar il cuntegn

Header

video
Chadaina da Fortuna rimna per unfrendas en il Nepal
Or da Actualitad video dals 05.05.2015.
laschar ir
cuntegn

Chadaina da Fortuna CHF 11'054'104.00 per il Nepal

Mardi, ils 05.05.2015 ha la Chadaina da Fortuna rimnà daners per las unfrendas dal terratrembel en il Nepal.

Il terratrembel cun la fermezza da 7,8 ha tutgà il stadi dal Himalaya e parts da l'India sonda, ils 25 d’avrigl 2015. Tut en tut èn radund 8 milliuns persunas pertutgadas da las consequenzas dal grev terratrembel.

La Chadaina da Fortuna ha pudì quintar sin ina gronda solidaritad da la populaziun svizra per las unfrendas en il Nepal.

Tut en tut èn vegnids ramassads CHF 11'054'104.00 durant il di naziunal da collecta, mardi, ils 05-05-2015

Ina da las centralas da la collecta da telefon era drizzada en tar RTR Radiotelevisiun Svizra Rumantscha a Cuira, nua che voluntaris e prominenza han prendì encunter donaziuns al telefon.

Igl è vinavant pussaivel da far donaziuns

  • via la pagina d'internet www.glueckskette.ch.
  • pajaments directs sin il conto postal 10-15000-6 (remartga «Nepal»).
  • cedels da pajament da la Chadaina da Fortuna pon ins retrair tar mintga uffizi postal.
  • cun l'app «Swiss-Solidarity-App».

Trais champs d'intervenziun

Las ovras d'agid partenarias da la Chadaina da Fortuna èn activas en trais champs specifics: agid d'urgenza, provediment medicinal e protecziun dals uffants.

13 ovras d'agid partenarias en acziun

Logo Chadaina da Fortuna – La Svizra solidarica.
Legenda: Logo Chadaina da Fortuna. MAD

Actualmain èn 13 ovras d'agid partenarias da la Chadaina da Fortuna en acziun en la regiun: Adra, Medis senza cunfin, Caritas Svizra, Christoffel missiun da tschorvs, Unfrenda da curaisma, Handicap International, Helvetas, Medair, Médecins du Monde, Solidar Suisse, Crusch Cotschna Svizra, Swisscontact e l’agid a l’uffant da Terre des hommes. Las bleras dad ellas èn gia activas dapi onns ubain decennis en il Nepal e connectadas fitg bain cun partenaris locals.

Artitgels legids il pli savens

Scrollar a sanestra Scrollar a dretga