A favur da quests carstgauns organisescha la Chadaina da Fortuna ensemen cun la SRG SSR in di naziunal da solidaritad «Coronavirus internaziunal». Sustegnì vegn la rimnada er da las ovras d’agid partenarias che cumbattan dapi mais las consequenzas da la pandemia.
Per l’agid en Svizra ha la Chadaina da Fortuna rimnà il mars passa 42 milliuns francs. Cun ils daners vegnan passa 150 projects da 114 organisaziuns sustegnidas che gidan persunas en Svizra che pateschan spezialmain fitg da las consequenzas da la pandemia.
Durant il di naziunal da collecta pon vegnir annunziadas donaziuns a partir da la damaun a las 07:00 enfin las 23:00 via il numer da telefon gratuit 0800 87 07 07. Donaziuns pon ins era far da tut temp sin il conto da posta 10-15000-6 ni online via Chadaina da Fortuna.