#TogetherForSyria

Dals 26 d’avrigl fin ils 5 da matg 2015 rimna la Chadaina da Fortuna daners per las unfrendas da guerra e fugitivs da la Siria. Las donaziuns vegnan duvradas per agid medicinal, agid psicologic, vivondas ed albiert.

#TogetherForSyria. Donaziuns – conto postal 10-15000-6 – remartga «Siria». Bild in Lightbox öffnen.

Legenda da maletgs: Acziun #TogetherForSyria. MAD

La Chadaina da Fortuna ha pudì quintar enfin uss sin ina gronda solidaritad da la populaziun svizra per las victimas dal conflict en Siria.

Enfin oz èn vegnidas rimnadas donaziuns da 19.5 milliuns francs. Cun quests daners ins ha pudì realisar 47 projects da diesch ovras umanitaras.

Ma la miseria resta ed il basegn d’agid è grond. Per accentuar questa situaziun speziala, lantscha la Chadaina da Fortuna ensemen cun otg ovras d'agid partenarias e la SRG SSR l’acziun da collecta #TogetherForSyria.

Donaziun

  • donaziuns èn pussaivlas da tut temp online via www.glueckskette.ch
  • era pussaivel èn pajaments directs sin il conto postal 10-15000-6 (remartga «Siria»)
  • cedels da pajament da la Chadaina da Fortuna pon ins era retrair tar mintga uffizi postal
  • clients da la Swisscom pon trametter in SMS (gratuit) al numer curt 480 cun l’indicaziun per la collecta e la summa. Exempel: trametter «Siria 50» al numer 480

Quest appel da rimnar daners capita en stretga collavuraziun cun numerus partenaris, numnadamain Adra, la Caritas Svizra, Crusch Cotschna Svizra, HEKS Agid da las Baselgias Evangelicas Svizras, Handicap International, Medair, Solidar Suisse e l’agid a l’uffant da Terre des hommes.