Per el è lingua «daily business». Sco moderatur da SRF3 accumpogna el la Svizra tudestga tras la bun’ura. Grazia a las lecziuns da rumantsch beneventa el sias audituras e ses auditurs forsa bainprest cun «bun di» enstagl da «Guata Morga».
El saja propi in da Basilea, di el. Ma per avair in viadi pli pitschen per ir a lavurar a Turitg sco moderatur da la damaun da SRF3 haja el fatg il cumpromiss da star a Rheinfelden en il chantun Argovia. Ed igl è sa mussà ch’el ha in talent per linguas.
